روان کال د پنجشیر ۷۲ زره قیراطه زمردل پلورل شوي

د کانونو او پټرولیم وزارت وايي، د ۱۴۰۵ کال له پیل راهیسې د پنجشېر نږدې ۷۲ زره قیراطه زمرد د څه باندې ۱۰۱ میلیونه افغانیو په ارزښت د ۱۱ داوطلبیو له لارې پلورل شوي دي. د یاد وزارت ویاند همایون افغان زیاتوي، د پنجشېر د زمردو په استخراج کې شاوخوا ۱۵ زره کسان پر کار بوخت دي او د نویو سیمو له کشف او جوازونو سره به دغه شمېر زیات شي. د معلوماتو له مخې، تېر کال هم د پنجشېر نږدې ۱۱۴ زره قیراطه زمرد د ۴.۱ میلیونه ډالرو په ارزښت پلورل شوي وو.