د ایران او افغانستان ترمنځ د رېل له لارې د سوداګریزو توکو لېږد زیات شوی

د ایران د اوسپنې پټلۍ رییس جبارعلي ذاکري ويلي، چې له افغانستان سره د اوسپنې پټلۍ له لارې د توکو لېږد د پام وړ ډول زیات شوی او اوس میاشتنی حجم شاوخوا ۱۳۰ زره ټنو ته رسېدلی دی. نوموړي ويلي، پخوا د ایران او افغانستان ترمنځ د اوسپنې پټلۍ له لارې په کال کې له ۱۵ زره ټنو کم توکي لېږدول کېدل. د ذاکري په وینا، اټکل کېږي چې په راتلونکو ۱۲ میاشتو کې له افغانستان سره د اوسپنې پټلۍ له لارې د انتقالاتو کچه ۱.۵ میلیونه ټنو ته ورسېږي.