د اسيا او ارام سمندر سیمې د لوړې کچې رسنيز فورم د سپتمبر په ۵مه نېټه د چین په شن جن ښار کې پرانیستل شو. د چین کمونېست ګوند د مرکزي کمېټې د سیاسي بیورو غړي او د دې کمېټې د نشراتي ادارې مشر لي شو لې د دغه فورم په پرانیستونکو مراسمو کې ګډون درلود او وینا يې وکړه.
په دغه فورم کې ګډونوالو دا نظر ښودلی چې د اسیا او ارام سمندر سیمې د ګډ برخلیک ټولنې د جوړونې په اړه د شي جين پينګ وړاندیز د اسیا او ارام سمندر سیمې د پرانیستي اقتصاد د ګډې ابادۍ او د دې سیمې د ګډې سمسورتیا د هڅونې لپاره مهمې لارښوونې کړې دي.
سږ کال د ایپيک سازمان د چین له کال سره برابر دی، چین به د دې سازمان د مشرانو ۳۳مه غیررسمي غونډه ترسره کړي.
ګډونوالو ویلي، د اسیا او ارام سمندر سیمې پرمختګ او همکارۍ د سیمې د رسنیو له فعال ګډون پرته نشي عملي کېدای، نو د سیمې رسنۍ باید د ګډو مرکو، د تخنیکي نوښت او د استعداد لرونکو کسانو د روزنې په شمول برخو کې اغېزمنې همکارۍ ترسره کړي.
دغه فورم ((د اسیا او ارام سمندر سیمې یو ځايښت د ګډې سمسورتیا لاره: د رسنیو اجماع او اقدامات)) تر عنوان لاندې ترسره کېږي. د څه باندې ۴۰ هېوادونو، سیمو او د ملګرو ملتونو د ارګانونو او نړیوالو سازمانونو څه د پاسه ۴۰۰ استازي پکې ګډون لري.
