ملګرو ملتونو ایران د رایې له حق محروم کړی دی

ملګرو ملتونو ویلي چې ایران د حق العضویت د نه ورکولو له امله په دغه سازمان کې د رایې له ورکولو محروموي. د ملګرو ملتونو نړیوال سازمان مشر انتونیو ګوتریش ویلي چې ایران دغه سازمان ته شپاړس میلیونه ډالر حق العضویت نه دی ورکړی نو له همدې امله دوی پرېکړه کړې چې د رایې له حق به یې محروموي. هغه د څو نورو هېوادونو نومونه هم د ملګرو ملتونو سازمان ته سپارلي او امر یې کړی چې باید د رایې له حق محروم شي. بلخوا ایران ویلي چې دوی د ملګرو ملتونو اصولو ته ژمن دي خو دا چې پر دوی بندیزونه وضع شوي او مالي سرچینې یې تړل شوې دي نو ځکه د حق العضویت په ورکړه کې ځنډ راغلی دی.