نایکي

نایک د متحده ایالاتو څو ملتي شرکت دی چې د ډیزاین، پراختیا، تولید او په نړۍ کې د بازارموندنې او د فوټبال، پوښاک، تجهیزاتو، لوازمو او خدماتو پلور کې فعالیت لري. دغه شرکت د میټروپولیټین سیمه کې بیورټن اوریګون ته نږدې موقعیت لري. دا په نړۍ کې ډول ډول سپورټي بوټان، جامې او د سپورټي تجهیزاتو په برخه کې د نړۍ د لویو تولید کوونکو شرکتونو په ډله کې راځي، چې په ۲۰۱۲ کال کې یې د ۲۴.۱ میلیاردو ډالرو څخه ډېر عواید تر لاسه کړل او په خپل شرکت کې تر ۴۴۰۰۰ ډېر خلک یې په دنده ګمارلي وو. په ۲۰۱۴ کال کې یوازې د نایک نښې یا لوګو ۱۹ میلیارده ډالر ارزښت درلود، چې دا د سپورټ د سوداګرۍ تر ټولو ارزښتناکه نښه ده، چې تر ۲۰۱۷ کال پورې د نیک برانډ ارزښت ۲۹.۶ میلیاردو ډالرو ته رسیږي. نایک د متحده ایالاتو تر ټولو لویو کمپنیو په لېست کې راځي، چې د ۲۰۱۸ کال د ۵۰۰ کمپنیو لېست کې په ۸۹ نمبر راغلی و.
دا شرکت د ۱۹۶۴ کال د جنورۍ په ۲۵مه د بل ببرمن سپورټ په نوم تاسیس شوی و، د بل بوورمین او فیل نایټ لخوا کار پیل شو او په رسمي ډول د ۱۹۷۱ کال د مې په ۳۰مه یې نوم نایک ته واړول شو. دا نوم یوناني ریښه لري چې د بریا مانا ورکوي. نایک خپل محصولات د خپل برانډ د ساحې د پراخولو لپاره پلوري، نایک د نړۍ په ګوټ ګوټ کې ډېری لوړپوړي ورزشکاران او د سپورټ ټیمونه سپانسر کوي. د “جسټ ډو ایټ” شعار په درلودو یانې حرکت وکړه او یا عمل وکړه او پیژندل شوې سوداګریزې لوګو نښې سره په نړۍ کې ښه پېژندل شوی دی.
نایک چې په اصل کې د نیلي ربن سپورټ (BRS) په نوم پیژندل شوی، د اوریګن ټریک پوهنتون اتل فیل نایټ او د هغه د روزونکي بل باورمان لخوا د ۱۹۶۴ کال د جنورۍ په ۲۵مه تاسیس شوی. دې شرکت په پیل کې په جاپین او اوریګون کې د جاپاني جوتا جوړوونکي اونیتسکا ټاګر لپاره د توزیع کوونکي په توګه کار کاوه.
نایک خپل لومړی پرچون پلورنځی په سانټا مونیکا او کالیفورنیا کې پرانیست. په ۱۹۶۷ کال کې یې د زیات پلور له امله په ختیځ ساحل کې د پرچون او توزیع عملیات پراخ کړل.
په ۱۹۷۶ کال کې د دې شرکت مالک جان براون او شریک یې په سیټل کې مېشت شول، چې هغه د اعلاناتو لپاره لومړۍ اداره را منځته کړه او راتلونکی کال دې ادارې د نیک لپاره لومړی “برانډ اعلان” جوړ کړ، چې “پای پای هیڅ نه لري” نومېده، په کوم کې چې د نیکي هیڅ محصول نه و ښودل شوی. په ۱۹۸۰ کال کې نیک د متحده ایالاتو اتلیټیک بوټانو بازار کې ۵۰ سلنه ونډه تر لاسه کړه او شرکت د همدې کال په ډسمبر کې خپله د کار او پلور ساحه نوره هم پراخه کړه .
د ۱۹۸۰ کال په جریان کې نایک د خپل محصول لاین پراخ کړ، څو په ټوله نړۍ کې ډېری سپورټي کلپونه او سیمې تر خپل پوښښ لاندې راولي. په ۱۹۹۰ کال کې نیک په بیریټن او اوریګون کې د نړۍ په اتو نوموتو ودانیو کې خپل مرکزي دفترونه فعال کړل. د نایک لومړی پرچون پلورنځی چې نیکټاون نومیږي، د همدغه کال د نومبر په میاشت پورټلینډ ښار کې پرانیستل شو. د ۲۰۲۰ کال د جنوري په ۱۳مه پارکر دې دغه شرکت د رییس په توګه وټاکل شو. د هغه لومړی اقدام دا و چې شرکت د امازون له لارې مستقیم پلور بند کړي او له پیرودونکو سره یې پر مستقیمو اړیکو باندې ډېر تمرکز وکړ.
اوس اوس د نایک د بوټانو یا جامو راتلونکې سپارښتنې د تېر ۲۰۲۰ کال د ډسمبر او اپرل تر منځ د تحویلۍ لپاره ۱۰ میلیاردو ډالرو ته لوړې شوې دي.
نایک د سپورټي تجهیزاتو پراخه لړۍ، د تولید ښه امکانات او سهولتونه لري . د دې شرکت بوټان ډېر نوموتي او د مینه والو له تاوده هرکلي سره مخ شوي دي. دوی دا مهال د لوبو لپاره بوټان برابره وي چې بېلابېل نومونه او ځانګړنې لري. مهم هغه یې دا دي: جرسي، شارټس، کلیټس، بیسلیئرز او د دې په ګډون د ټریک او فیلډ، بیس بال، آیس هاکي، ټینس، انجمن فوټبال (فوټبال)، لاکروز، باسکټبال او کرکټ لوبو لپاره بوټونه جوړوي.
د نایک د محصولاتو یوه ځانګړنه دا ده چې د نړۍ په کچه هر ډول ورزش او ورزشکارانو لپاره هغه که نارینه، ښځې او یا هم ماشومان وي، دې ټولو لپاره ځانګړي محصولات او خدمات لري. نایک د بیرونيو فعالیتونو لپاره بوټان هم پلوري، لکه ټینس، ګالف، سکیټ بورډینګ، فوټبال، بیسبال، امریکایي فوټبال، بایسکل، والیبال، ریسلینګ، چیرلیډینګ، آبیټیک فعالیتونه، آتو ریسینګ او نورو ورزشي فعالیتونو لپاره.
نایک په ټوله نړۍ کې له ۷۰۰ ډېرو پلورنځیو سره تړون کړی او له متحده ایالاتو بهر په ۴۵ هیوادونو کې دفترونه لري. ډېری فابریکې یې په اسیا کې موقعیت لري، چې د اندونیزیا په ګډون، چین، تایوان، هندوستان، ټایلینډ، ویتنام، پاکستان، فیلیپن او مالیزیا کې هم فعالیت لري.
نیک خپل محصولات د مشهورو اتلانو، مسلکي ټیمونو او کالج اتلانتیک ټیمونو سره د سپانسرشیپ تړونونو له لارې تر خلکو رسوي. په همدې توګه یې د نړۍ په مارکېټ کې ځان ته ښه ځای غوره کړی دی.
نیک په ۲۰۰۰ او ۲۰۰۲ کلونو کې د غوره سوداګریزو اعلانونو جایزه هم تر لاسه کړې، چې په هغه کې خلک سپورت ته هڅه وي.
د ۱۹۹۰یمو کلونو په لومړیو کې نایک د انجمن فوټبال سوداګرۍ ته خورا زور ورکړ، چې د مشهورو لوبغاړو لکه روماریانو، ډیویډس رونالډو، رونالډینډو، فرانسیسکو توټي اندریس انیستا، د کریسټینیو رونالډو او یونل مسی نیمار ته بوټان جوړوي .
په ۲۰۱۲ کال کې نیک د آسیا فوټبال کنفډریشن سره سوداګریزه ملګرتیا وکړه. د ۲۰۱۴ کال په اګست میاشت کې نیک اعلان وکړ چې دوی به له ۲۰۱۴ کال وروسته د مانچسټر یونایټډ سره د خپلو سوداګریزو اعلانونو تړون نوی نه کړي، ځکه غوښتل یې چې په اسیا لویه وچه کې خپلو محصولاتو ته ښه بازار پیدا کړي.
نایک اوس د سپورټي تجهیزاتو پراخه لړۍ پیل کړې او ډول ډول جامې او بوټان تولیدوي، چې د نړۍ په کچه یې ساري کم لیدل کیږي. د دوی لومړی محصول یوه جوړه بوټان وو چې په لاس او ډېر ابتدایي شکل جوړ شوي وو؛ خو دا مهال له ۷۰۰ رقمونو زیات بوټان او همدارنګه سپورټي جامې د هر موسم، هر سپورټ او هر سپورټي ټیم چې وغواړي په ځانګړو مشخصاتو او عالي کیفیت ورته چمتو کوي. اوس هم د نړۍ د بېلابېلو سپورټونو مهم او مشهور لوبغاړي او ټیمونه د نایک له جامو څخه استفاده کوي. مهم هغه یې دا دي: بیس بال، آئس هاکي، ټینس، ساکر، لاکروس، باسکیټبال او کرکټ.
د نایک اوسنۍ لوګو یا سمبول د ۳۵ امریکایي ډالرو په مقابل کې ډیزاین شوې، چې مانا یې هم د باد په څېر حرکت وکړ. کله چې پارکر د اجراییوي رییس په توګه راغی، د نایک د برانډنک لپاره یې ډېر څه وکړل، هم د ډیزاین او هم د بازارموندنې او اړیکو په برخه کې.
نایک د سپورټ په ډګر کې د یوې سروې له مخې ۶۲ سلنه بازار د خپلو محصولاتو لپاره پیدا کړی دی او لایې هڅې روانې دي، چې له لوبغاړو او سپورټي مشهورو ټیمونو سره اړیکې ټینګې کړي او د دوی په خوښه ورته د نایک محصولات تیار کړي.
یاد شرکت همدارنګه په ډیزاین، تولید او بازارموندنه کې ټکنالوژۍ ته د ژمنتیا لپاره او همدارنګه له خپلو پلورنځیو سره د متقابل عمل لپاره خپلې اړیکې ډېرې ګرمې ساتي. نایک په دوامداره توګه تر نن پورې په کلني پلور کې ۸.۵ سلنه وده کړې. یاد شرکت په ۲۰۲۰ کال کې د ۵۰ میلیاردو ډالرو پلور هدف ځان ته ټاکلی و، خو د کرونا ویروس په خپرېدو سره یې ونشوای کړی چې ټاکلی هدف تر لاسه کړي.
د نایک شرکت بله ځانګړنه دا ده چې د نړۍ د سپورټي ټیمونو او اتلانو لپاره ځانګړي مختصصین لري او په هر ټیم او لوبغاړي باندې کار کوي، څو د هغوی مشترکات او د خوښې وړ ټکی راپیدا کړي او په نوې بڼه او ډيزاین محصولات ورته چمتو کړي.
د نایک شرکت بله ځانګړنه دا ده چې کومه بودیجه چې د خپلو کارکوونکو د ظرفیت او بازارموندنې لپاره ځانګړې کړې، د خپلو نورو سیالو شرکتونو له ټولټال عوایدو سره برابره ده، نو داسې څرګندیږي چې نایک په خپل داخلي ظرفیت او په نړۍ کې د خپلو محصولاتو او خدماتو لپاره ډېر او سخت کار کوي. نیک د فوټبال په برخه کې په نړۍ کې لومړی مقام خپل کړی او حتی په جرمني کې دا د خپل اوږد مهال سیال ایډیډاس په له منځه وړلو کې بریالی راوتلی دی.