په امریکا کې د کرونا د مثبتو پېښو شمېر تر ۶۱۳ زره اوښتی

د وروستیو راپورونو له مخې په امریکا کې ۶۱۳۸۸۶ کسان په کرونا اخته شوي همدا راز کرونا ۲۶۰۴۷ امریکایان مړه کړي هم دي. په ټوله نړۍ کې بیا د مثبتو پېښو شمېر ۱۹۹۸۱۱۱ ته رسېدلی دی. د مړو شمېر ۱۲۶۶۰۴ کسه دی. همدا راز ۴۷۸۶۵۹ کسه له دغه ویروس روغ شوي هم دي. کرونا په ایټالیا کې ۲۱۰۶۷، په هسپانیا کې ۱۸۲۵۵، په فرانسه کې ۱۵۷۲۹، په برېتانیا کې ۱۲۱۰۷، په ایران کې ۴۶۸۳ او په ترکیه کې بیا ۱۴۰۳ کسه وژلي دي. تر امریکا وروسته تر ټولو ډېرې مثبتې پېښې په هسپانیا کې ثبت شوې دي. په دغه هېواد کې د مثبتو پېښو شمېر ۱۷۴۰۶۰ ته رسېدلی دی.