هېواد کې د کرونا وبا ۲۲۱ تازه پېښې ثبت شوې دي

روغتیا وزارت وايي، چې په تېرو ۲۴ساعتونو کې د کرونا وبا ۲۲۱ نورې مثبتې پېښې ثبت شوې چې له دې سره په ټول هېواد کې پر کرونا وبا د اخته کسانو شمېر ۶۳ زره او ۸۱۹ تنو ته ورسېد. د دغه وزارت د ویاند مرستیال میرویس علی زی وایي، په یاده موده کې له دې وبا څخه شپږ تنه مړه شوي او ۳۲۳ تنه بیا ترې روغ شوي، چې له دې سره د مړو شمېر ۲۷۵۱ او د رغېدلو کسانو شمېر ۵۵۰۰۹ تنو ته ورسېد. د عامې روغتیا وزارت هېوادوالو ته خبرداری ورکړی، چې روغتیايي پاملرنې په پام کې ونیسي. د دوی په وینا، د کرونا دغه څپه به تر لومړۍ او دویمې هغې ډېره خطرناکه وي.