په استرالیا کې د هغه پوځي محاکمه پيل شوې چې په ارزګان کې یې بې ګناه ملکي وګړي ځورولي وو. د راپورونو له مخې رابرټس سمټ تورن دی چې په ۲۰۱۲ز کال کې یې په ارزګان ولایت کې یو ملکي او بېګناه بزګر وهلی، تړلی او وروسته یې خپل یوه عسکر ته امر کړی چې هغه په ډزو ووژني. اوس په استرالیا کې ددغه عسکر محاکمه روانه ده او رسنۍ وايي چې محاکم به یې په اړه پرېکړه وکړي. استرالیایي عسکر تورن دي چې په افغانستان کې یې د خپل ماموریت پر مهال جنګي جنایتونه ترسره کړي دي. رسنیو په خپرو کړو راپورونو کې ویلي چې دغه عسکرو ملکي وګړي نیولي، وهلي یې دي، وژلي یې دي او بشر ضد جنایت یې ترسره کړی دی. استرالیا بیا وایي چې دوی ټولې دغه قضیې څېړي او تورن کسان به خپله جزا وویني.
