امریکا: که ایران هوکړې ته راوګرځي، بیا هم بندیزونه پر خپل ځای دي

امریکا وایي که ایران اټومي هوکړې ته راستون هم شي بندیزونه به پر خپل ځای وي. د امریکا د بهرنیو چارو وزیر ددغه هېواد کانګریس ته ویلي چې له ایران سره د اټومي هوکړې په حل کې جدي دي او په پوره چټکۍ هڅه کوي دغه هېواد له خپلو فعالیتونو را وګرځوي. دده په خبره که په یوه بل کال کې له ایران سره اټومي هوکړه حل نه شي نو په سیمه کې به سترې ناندرۍ رامنځ ته شي. هغه ویلي که ایران اټومي هوکړې ته را وګرځي خو بیا به هم بندیزونه دوام کوي. دده په خبره دا بندیزونه تر هغه دوام کوي چې ایران په سیمه کې خپل چلند بدل کړی نه وي. بلینکن وایي په دې بندیزونو کې به ډېری هغه وي چې د ټرمپ ادارې پر ایران وضع کړي وو.