عراقچي: نوی حکومت او د واک لېږد مو پر دريځ اغېز نه لري

ایران وایي چې د واک لېږد به پر مذاکراتو او ددوی پر دریځ اغېز ونه لري. له ځواکمنو هېوادونو سره د ایران د مذاکراتي ټیم مشر عباس عراقچي په خپلو تازه څرګندونو کې ویلي دوی هڅه کوي چې ژر تر ژره په مذاکراتو کې یوې پایلې ته ورسېږي خو دا چاره دومره اسانه نه ده. دده په وینا نوي ولسمشر ته د واک لېږد روان دی خو دا پروسه به پر اټومي مسایلو اړوندو مذاکراتو هېڅ راز اغېز ونه لري او په خبره یې دوی پر خپل دريځ ولاړ دي. تر دې وړاندې اروپايي ټولنې ویلي وو که وضعیت همداسې نامعلوم او بې پایلې وي نو له ایران سره د مذاکراتو دوام مانا نه لري.