مراد علي مراد؛ د دایکندي له اسمانه بېرته کابل ته راغوښتل شوی

مراد علي مراد د دایکندي د والي په توګه یاد ولایت ته روان و خو د دندې له پیل مخکې بېرته کابل ته راغوښتل شوی دی. ټاکل شوې وه چې نوموړی نن د یاد ولایت د والي په توګه دنده پیل کړي خو ویل کېږي چې محمد محقق یې له معرفي کېدو سره مخالفت کړی دی او د نوموړي د سپرلۍ الوتکه بېرته د دایکندي له اسمانه کابل ته راستنه شوې ده. یوې سرچینې ویلي چې محمد محقق ولسمشر غني ته ټلفون کړی او ویلي یې دي چې د دوه اړخیز تړون له مخې، د دایکندي والي باید د ده په خوښه وټاکل شي خو د مراد علي مراد په ټاکنه کې ورسره مشوره نه ده شوې نو دی یې هم نه مني. د ویلو ده چې حکومت مخکې تر دې هم له ورته ستونزې سره مخ شوی، داوود لغمانی د فاریاب د والي په توګه وټاکل شو خو د دوستم د مخالفت له امله یې څو ورځې په لوا کې تېرې کړې، بېرته کابل ته راوغوښتل شو چې وروسته بیا د والي په حیث غزني ته لاړ.