امریکایي رسنیو د یوې سروې پر بنسټ راپور ورکړی دی چې په دغه هېواد کې د ولسمشر جو بایډن د ملاتړ کچه ۵۰ سلنې ته را ټیټه شوې ده. راپور کاږي، په دغه سروې کې د جولای له ۶مې نېټې څخه تر ۲۱مې نېټې پورې له ۱۰۰۷ امريکايانو څخه د بایډن په اړه د نظر پوښتنه شوې ده. د راپورونو له مخې، د همدې سروې شمېرې ښیي چې د امريکا د ولسمشر جوبايډن د ملاتړ کچه ۵۰ سلنې ته راټیټه شوې ده. دغه رقم د جون په پرتله ۶ سلنه کموالی ښیي. ویل کېږي چې د پيسو پړسوب په اړه د خلکو اندېښنه، د کرونا وبا د پېښو دوباره زياتوالی او د واکسين تطبيق ورووالی د جوبايډن د ملاتړ کچې د ټيټوالي ممکن لاملونه دي.
