امریکا کې د کرونا له امله ۲۴۰۰ نور کسان مړه شوي

د جان هاپکینز پوهنتون د وروستیو معلوماتو له مخې، په تېرو ۲۴ ساعتونو کې په امریکا کې پر کرونا وبا اخته ۲ زره او ۴۰۰ نور کسان مړه شوي دي. یاد پوهنتون ویلي چې تر اوسه پورې نه یوازې په دغه هېواد کې د کرونا ویروس مثبتې پېښې کمې شوې نه دي، بلکې لا ډېرې شوې دي او په هرو ۲۴ ساعتونو کې تر دوه زره ډېر کسان د کرونا وبا له امله مړه کېږي. د یادونې ده چې تر اوسه پورې په امریکا کې پر کرونا د اخته کسانو ټول شمېر ۴۵ میلیون او ۲۱۸ زره او ۹۰۷ ته او د مړه شویو هغه بیا ۷۳۱ زره او ۲۶۴ ته لوړ شوی دی.