افغانستان د ایران په راتلونکې غونډه کې ګډون نه کوي

د افغان حکومت مسوولین وایي د ایران په غونډه کې ګډون نه کوي. ټاکل شوې چې تر راتلونکو څو ورځو پورې په ایران کې د افغانستان په اړه د سیمې د هېوادونو غونډه وشي. په دې غونډه کې به د افغانستان پر وضعیت او راتلونکې خبرې کېږی. د طا لبانو ویاند او د اطلاعاتو فرهنګ وزارت مرستیال ذبیح الله مجاهد رسنیو ته ویلي چې دغه غونډه مثبته ارزوي خو په هغې کې ګډون نه کوي. دده په وینا د هر هغه کنفرانس هرکلی کوي چې په افغانستان کې د ثبات او له سیمې سره د اړیکو د پراختیا سبب شي. په دې غونده کې ایران، پاکستان، تاجکستان، ازبکستان، روسیه او چین ګډون کوي. دا په کابل کې واک ته د طا لبانو ته رسېدو وروسته دویم سیمه ییز کنفرانس دی چې د افغانستان په اړه جوړېږي.