خیرخواه: رسنۍ باید په بې پرې توګه حقایقو ته انعکاس ورکړي

د افغانستان ا.ا د اطلاعات او کلتور وزارت سرپرست ملا خیرالله خیرخواه ویلي چې رسنۍ باید د بې طرفۍ اصل ته په پام په بې پرې توګه د ملي ګټو په نظر کې نیولو سره حقایقو ته انعکاس ورکړي. نوموړي نن په کابل کې د رسنیو په مرکز کې یوې خبري ناستې ته په خبرو کې ویلي چې د ا.ا ویاندویان او ژورنالیستان باید یو بل سره پوره همکاري ولري. د نوموړي په وینا، د ا.ا پالیسي د خبریالانو مصوونیت او ساتنه ده او په خبره یې د رسنیو تضعیف په اصل کې د اطلاعات او کلتور وزارت د تضعیف په مانا دی. هغه دغه راز له خبریالانو څخه د پوره ملاتړ ډاډ هم ورکړی دی.