د افغان سولې لپاره د امریکا پخواني ځانګړي استازي زلمي خلیلزاد په یوه تازه مرکه کې ویلي چې که چېرته طا لبان له القاعده او نورو ترهګرو ډلو سره کارنده مبارزه ونه کړي نو امریکا مجبوره ده د خپل امنیت لپاره په خپله اقدام وکړي. خلیلزاد ټینګار کړی دی چې بې له شکه دا اقدام به نظامي وي. خلیلزاد دغه راز ویلي چې طا لبان د داعش ډلې سرسخت مخالفین دي او اوس به وکتل شي چې دوی څه ډول د دغې ډلې پر وړاندې مبارزه کوي. هغه یو ځل بیا ویلي چې د تېر جمهوري نظام په سقوط کې هیڅ لاس نه لري او دا پړه یې یو ځل بیا پر پخواني ولسمشر محمد اشرف غني اچولې ده. نوموړي د خپلو خبرو پر دوام زیاته کړې چې اشرف غني په مناسب وخت کې مذاکراتو ته داخل نه شو او دغه راز یې د سولې پر وړاندې خنډونه جوړ کړل. هغه ټینګار کړی دی چې افغان پوځ د طا لبانو پر ضد مقاومت ونه کړ او همدا لامل شو چې هر څه دومره ژر بدلون وکړي.
