امریکايي سناتوران: په هر قیمت چې وي طالبان دې په رسمیت نه پېژندل کیږي

د امریکا د کانګرس دوو جمهوري غوښتونکو غړو د ملګرو ملتونو سرمنشي انتونیو ګوترېش ته یو لیک استولی چې د دغه سازمان له خوا د طالبانو د حکومت په رسمیت پېژندلو سره یې سخته اندېښنه ښودلې او دا یې د هغو ارزښتونو خلاف بللې چې ملګري ملتونه یې د ودې په لټه کې دي. سناتور لینډسي ګراهام او مایکل والټز چې د امریکا د استازو جرګې غړي دي، په لیک کې ټینګار کړی په هر قیمت چې وي طالبان باید په رسمیت ونه پېژندل شي او د ملګرو ملتونو څوکۍ دې د دوی غړو ته نه ورکول کېږي. په افغانستان کې د طالبانو د واکمنۍ درې میاشتې تیریږي خو ا.ا تر اوسه لا کوم هېواد په رسمیت نه پيژني. ګراهام او مایکل والټز ویلي چې د افغانستان د تېر حکومت له نسکورېدو وروسته له افغانستان سره د مرستې اړتیا زیاته شوې ده. د دوی په وینا اوسنی وضعیت د نه منلو وړ دی او ټینګار يې کړی چې د ملګرو ملتونو لخوا شوې مرستې باید په اړمنو کسانو وویشل شي.