امریکا او اسراییل د ایران پر وړاندې پر احتمالي اقداماتو خبرې کوي. د راپورونو له مخې د اسراییلو لوړپوړي امنیتي چارواکي امریکا ته تللي او نن پنجشنبه به ددغه هېواد له لوړپوړو امنیتي چارواکو سره لیده کاته ولري. دا سفر داسې مهال ترسره کېږي چې د ایران او امریکا ترمنځ اټومي مذاکرات تر دې دمه بې برخلیکه دي.
خو اسراییل او امریکا غواړي مخکې له مخکې د هغه څه په اړه تیاری ولري چې د مذاکراتو تر ماتې وروسته رامنځ ته کېږي. اسراییل تر ډېره پر ایران د نظامي برید ملاتړی دی، خو امریکا د ديپلوماسۍ لار غوره ګڼي او ایران ته خبرداری ورکوي چې وروستی چانس دې نه ضایع کوي.