د اسراییلو لومړی وزیر په تاریخي سفر متحده عربي اماراتو ته تللی دی. د راپورونو له مخې وروسته له هغه چې تېر کال د اماراتو او اسراییلو ترمنځ اړیکې عادي شوې، نو دا په اوږده تاریخ کې لومړی ځل دی چې د اسراییلو لومړی وزیر او دومره لوړپوړی پلاوی متحده عربي اماراتو ته ځي.
نوموړی به په ابوظبي کې له شیخ محمد بن زاید سره وګوري او پر دوه اړخیزو اړیکو به خبرې وکړي. اسراییلي حکومت ویلي چې د دوه اړخیزو اړیکو لا پراختیا، سوداګریزې اړیکې پیاوړې کول او پر ګډو ګټو بحثونه د دې سفرعمده موخې دي.