د اسلامي امارت د بهرنيو چارو وزارت د روسیې د ولسمشر ولادیمیر پوتین د وروستيو څرګندونو هرکلی وکړ. پوتین په تازه څرګندونو کې يې ويلي، چې د اسلام ستر پيغمبر حضرت محمد(ص) ته سپکاوی د بيان ازادي نه، بلکې د دیني ازادۍ مخالفت او د مسلمانانو احساساتو ته سپکاوی دی. د روسیې ولسمشر دا هم ويلي، چې هېواد يې د طالبانو د حکومت په رسميت پېژندلو لپاره هڅه کوي او د افغانستان د کنګل شویو بانکي زېرمو د خلاصون غوښتنه کوي. د اسلامي امارت د بهرنيو چارو وزارت د پوتین د دغو څرګندونو هرکلی کړی دی. دا په داسې حال کې ده، چې د روسیې د بهرنیو چارو وزارت ویاندې ماریا زاخارووا په يوه خبري کنفرانس کې لويديځ د افغانستان له بيارغونې سره په ډېرې مرستې مسوول ګڼلی.
