ترکیې او قطر پر افغانستان خبرې کړې دي. د راپورونو له مخې د ترکیې د بهرنیو چارو وزیر مولود چاوش اوغلو له خپل قطري سیال محمد بن عبدالرحمن سره د افغانستان پر وضعیت خبرې کړې دي.
د ترکیې د بهرنیو چارو وزارت له لوري په خپره شوې اعلامیه کې راغلي چې په دې مکالمه کې د افغانستان روان وضعیت ارزول شوی او د ګډو همکاریو په اړه نظرونه تبادله شوي دي.
ترکیه او قطر غواړي په راتلونکو اونیو کې په افغانستان کې د پنځو مهمو هوایي ډګرونو مسوولیت واخلي او د کنټرول چارې یې مخ ته یوسي. دوی له افغان لوري سره خبرې کړې دي، خو دغه خبرې دمګړی د نوي میلادي کال د رخصتیو له امله ځنډېدلې دي.
