ا.ا تاجیک پولې ته څېرمه د ترهګرو موجودیت رد کړی

وروسته تر هغه چې د تاجیکستان ولسمشر امام علي رحمان وویل چې په افغانستان کې د تاجیکستان پولې ته څېرمه ترهګر وجود لري، د افغانستان ا.ا په یاده سیمه کې د ترهګرو د موجودیت په اړه د تاجیک ولسمشر امام علي رحمان ادعا رد کړې ده. د افغانستان ا.ا وایي چې افغانستان کې د تاجیکستان پولې ته څېرمه د ترهګرو موجودیت یوازې ادعا ده. ا.ا زیاته کړې ده چې نه یوازې تاجیک پولې ته څېرمه بلکې د افغانستان په هیڅ څنډه کې هم ترهګر فعالیت نه لري او ډاډ یې ورکړی دی چې له دې وروسته به هیچاته د نورو هېوادونو پر ضد د افغان خاورې کارول کېدو اجازه ورنه کړي. د ا.ا چارواکو ټینګار کړی دی چې په افغانستان کې امنیت په بشپړه توګه تامین دی او هیڅ ترهګره ډله په افغانستان کې فعالیت نه لري.