د فاریاب ولایت سیمه ییزو امنیتي مسوولینو ویلي چې په دغه ولایت کې ۱۴ کسانو ته مرګ ژوبله اوښتې ده. د چارواکو په خبره، دا پېښه د دغه ولایت د دولت اباد ولسوالۍ په جنګل سیمه کې رامنځته شوې ده چې په نتیجه کې یې پنځه کسان مړه شوي او نهه نور ټپيان شوي دي. مسوولینو زیاته کړې ده چې د پېښې په وژل شویو کې د دغه ولایت د احصایې رییس هم مړ شوی دی. چارواکو د یادې پېښې لامل د موټر چلوونکو بې احتیاطي ښودلې ده.
