د ولسمشر په لارښوونه؛ پاتې ۲۸ ولایتونو کې هم د وچې ډوډۍ وېش پیل شو

د سيمه ‌ييزو ارګانونو خپلواکې ادارې د ولسمشر د لارښوونې له مخې، نن د هېواد په ټولو ولايتونو کې بېوزلو کورنيو ته د پخې ډوډۍ ورکړه پيل کړه. د سیمه ییزو ارګانونو خپلواکې ادراې ویاند سید شاه سقیم وايي، چې په پاتې ۲۸ ولایتونو کې یې نن د وچې ډوډۍ ویش پیل کړ او د روژې مبارکې میاشتې تر پايه به هره ورځ ۳۴۷۲۱۳ کورنيو ته، لس لس ډوډۍ په وړيا ډول ورکول کېږي. سقیم وايي هڅه کوي چې دغه پروسه په شفاف ډول تر سره شي. نوموړی وايي په همدې خاطر یې زیاتره نانوایانې جي پي اېس کړي او ددې تر څنګ د ناحیې استازي، ځوانان او علما یاده پروسه په کلکه څاري. سقیم په دغه پروسه کې د خلکو همکاري مهمه بللې ده.