اوکراین کې یو عسکر خپل پنځه همکاران وژلي

د اوکراین په دنیپرو سیمه کې د توغندویي تجهیزاتو په یوه کارخانه کې د نمایش پر مهال یو سرتېري د نامعلومو دلایلو له مخې پر خپلو همکارانو ډزې کړې دي او لسو کسانو ته یې مرګ ژوبله اړولې ده. په دې پېښه کې لږ تر لږه پنځه عسکر وژل شوي او پنځه نور ټپيان شوي دي. اوکرایني چارواکو ویلي چې برید کوونکي عسکر د پېښې له ځایه پښې سپکې کړې دي او پولیسو یې د نیونې لپاره د پلټنې عملیات پیل کړي دي. چارواکي وایي چې د تښتېدلي عسکر ذهني توازن ښه خو دا چې د پېښې اصلي لامل څه دی د قاتل تر نیولو وروسته به مالوم شي.