په روسیه کې له کرونا سره د مبارزې کمېټه وایي، چې یوازې په تېرو ۲۴ ساعتونو کې په دغه هېواد کې د کرونا ۱۱زره مثبتې پېښې ثبت شوې دي. په دې سره په روسیه کې د ټولو مثبتو پېښو شمېر ۲۰۹۶۸۸ ته ورسېد. یاده کمېټه وایي، چې دغه راز په همدې موده کې بیا ۸۸ کسان په روسیه کې د کرونا ناروغۍ له کبله مړه شوي دي، چې په دې هېواد کې د کرونا له کبله د ټولو مړو شویو کسانو شمېر ۱۹۱۵ ته ورسېد. په روسیه کې تر اوسه پورې له کرونا ناروغۍ۳۴۳۰۶ تنه بېرته روغ شوي هم دي.
