د م.م امنیت شورا: د افغانستان نوی حکومت باید منزوي نه شي

ټاکل شوې ده چې د ملګرو ملتونو امنیت شورا په نږدې راتلونکي کې د افغانستان په اړه غونډه را وبولي. راپورونه وایي چې امنیت شورا به د ا.ا تر واک لاندې د افغانستان پر رول خبرې اترې وکړي. د ملګرو ملتونو امنیت شورا وایي چې د دې غونډې تمرکز به له ا.ا سره د اړیکو پر څرنګوالي وي. هغوی توصیه کړې ده چې د افغانستان نوی حکومت باید منزوي نه شي. ملګري ملتونه دا څرګندونې وروسته تر هغه کوي چې تر دې وړاندې یې په افغانستان کې بشري وضعیت ګواښوونکی بللی و او له نړیوالې ټولنې څخه یې غوښتنه کړې وه چې د بشري ناورین مخنیوي په موخه له دغه هېواد سره خپلو بشري مرستو ته دوام ورکړي.