په واشنګټن کې افغان سفارت وایي، یوازې قونسلي چارې مخ ته وړي. په واشنګټن کې د افغان سفارت کارکوونکو رسنیو ته ویلي چې له پنځو میاشتو راهیسې یې خپل معاشونه نه دي ترلاسه کړي او په ملګرو ملتونو کې د افغانستان د استازولۍ د دفتر په شمول ټولې برخې له جدي ستونزو سره مخ دي.
دوی وایي دمګړی نوي پاسپورتونه نه لري، خو یوازې پخواني پاسپورتونه تمدیدولی شي او قونسولي چارې مخ ته وړي.
ديپلوماتان وايي چې په بانکونو کې د دوی شتمني د امریکا د حکومت له لوري کنګل شوې ده او خپلو مالي حساباتو ته هېڅ ډول لاسرسی نه لري. تر دې وړاندې بیا داسې راپورونه هم خپاره شوي وو، چې ښايي امریکا په واشنګټن کې افغان سفارت وتړي.
