امریکا کې د ډزو له امله ۱۲تنو ته مرګ ژوبله اوښتې

د امریکا امنیتي ادارې وایي، د دغه هېواد په ایووا ایالت کې په یو رسټورانټ کې د ډزو له امله ۱۲تنو ته مرګ ژوبله اوښتې ده. د امریکایي رسنیو د معلوماتو له مخې، پرون ناوخته د دغه هېواد په «ایوا» ایالت کې دوو تنو په رسټورانټ کې پر ناستو کسانو ډزې کړې چې په پایله کې یې دوه تنه وژل شوي او ۱۰ نور ټپیان شوي دي. تر دې وړاندې د امریکا په جورجیا ایالت کې هم په ورته پېښه کې درې تنه وژل شوي وو. د راپورونو له مخې، په امریکا کې د وسلو ازاد پېر او پلور د داسې پېښو لامل کېږي چې ګڼ شمېر کسانو ته پکې مرګ ژوبله اوړي.