د امریکا د روغتیا وزیر له «سي. ان. ان» خبري شبکې سره په تازه مرکه کې ویلي، په امریکا کې د نورو هېوادونو په پرتله ډېرې مزمنې ناروغۍ موجودې دي، چې دغه څه ددې لامل شول، څو کرونا ناروغي خلکو ته ډېر تلفات واړوي. «الکس ایزار» ویلي، په امریکا کې د ژوند بڼه ددې لامل شوې ده چې خلک ورځ تر بلې چاغ شي، په شکرې ناروغۍ، د زړه ناروغۍ او لوړ فشار اخته شي. نوموړي ویلي، هغه کسان چې یادې ناروغۍ لري، تر نورو ژر پر کرونا ویروس اخته کېږي او د مړینې لامل یې کېږي. په امریکا کې تر اوسه پورې ۱۵۲۷۶۶۴ کسان پر کرونا اخته شوي او ۹۰۹۷۶ نور یې مړه کړي دي.
