چارواکي: تېر کال د ۳۵ میلیون ډالرو په ارزښت انځير بهر ته صادر شوي

د افغانستان د ا.ا د صنعت او سوداګرۍ وزارت وايي، په تير لمريز کال کې د ۳۵ میلیونه ډالرو په ارزښت انځير بهرنيو ته صادر شوي دي. دغه وزارت وايي چې افغانستان په تېر لمریز کال کې شاوخوا ۷۰۰ ټنه انځير هند، عربي متحدو اماراتو، کاناډا او یو شمېر نورو اروپايي هېوادونو ته صادر کړي. ويل کيږي چې اوسمهال د افغانستان په بازارونو کې د يو کيلو انځيرو بيه تر ۱۰۰۰ افغانيو پورې رسيږي، په داسې حال کې چې بزګران بيا د مېوو په موسم کې د بيو له ټيټوالي سر ټکوي او وايي چې لګښتونه يې نه پوره کيږي.