د بو او اسيايي فورم د ۲۰۲۲م کال د کلنۍ غونډې پرانيستونکي مراسم د اپرېل د ۲۱مې نېټې په سهار د های نان ولايت د بو او په علاقه دارۍ کې تر سره شول.
په يادو مراسمو کې د چين د دولت رئيس شي جين پينګ او مرستيال صدراعظم هان جنګ هم ګډون کړی او شي جين پينګ پکې يوه مهمه وينا کړې ده.
د مالوماتو له مخې، د بو او اسيايي فورم د ۲۰۲۲م کال کلنۍ غونډه د اپرېل په ۲۰مې نېټې پېل او په ۲۲ نېټې به پای ته ورسيږي.
ياده کلنۍ غونډه (( کرونا او نړۍ، د نړيوال پرمختګ هڅونه او د ګډ راتلونکي ابادي)) په عنوان ترسره کيږي.
د مالوماتو له مخې، په دغې غونډې کې د اسرائيل ولسمشر ايسحاق هرتزوګ، د منګولستان ولسمشر يوخناګين خوريلسوغ، د نيپال ولسمشرې ويديا ديوي بهانداري، د فليپين ولسمشر رودريګو دوتيرت، د قزاقستان صدراعظم علي خان سمايلوف، د لاوس صدراعظم پهانخام ويپهاوان او د نړيوال پولي صندوق مشرې کريستالينا ګيورګيوا انلاين ګډون کړی دی.
(خبرياله: شکريه)
