افغانستان کې وروستیو پېښو روسیه اندېښمنه کړې ده. د روسي رسنیو د راپورونو له مخې ددغه هېواد ولسمشر ویلادیمیر پوتین د روسیې د امنیت شورا غونډه رابللې او د افغانستان په اړه یې خبرې ورسره کړې دي.
پوتین ویلي چې په افغانستان کې روان وضعیت څاري او له دې درکه اندېښمن دي. دده په خبره روسي امنیتي چارواکو ته په کار د چې ژر په دې اړه خپلې پرېکړې او پلانونه ورسره شریک کړي. پوتین له امنیتي ادارو غوښتي چې د روسيې جنوب لوري ته امنیتي وضعیت وڅاري او په اړه یې اړین تدابیر هم ترسره کړي.
روسیې تر دې وړاندې هم ویلي چې افغانستان کې له امنیتي وضعیت اندېښمن دي له همدې امله یې زرګونه سرتېري تاجکستان کې پر پولو ځای پر ځای کړي دي.
