په ایران کې د ګرانیو او اقتصادي پالیسیو پر وړاندې لارینونه لا هم روان دي. رسنیو له ایران راپور ورکړی چې په وروستیو کې د خوراکي او نورو توکو د ګرانښت له امله د ایران په ډېری ښارونو کې سخت لاریونونه پیل شوي چې په ډېری سیمو کې د حکومت له توند غبرګون سره مخ شوي دي.
د ایران په ځینو ښارونو کې د لاریون کوونکو او پولیسو ترمنځ نښتې هم رامنځ ته شوې دي او ویل کېږي چې په دې نښتو کې لاریون کوونکو ته تلفات اوښتي دي. ایرانی حکومت تاوتریخوالی نه مني او وایي چې د لاریونونو د آرامولو په لټه کې دي.
