سور صلیب: افغانستان کې اقتصادي بحران د پراختیا په حال کې دی

په افغانستان کې د بشري ناورین کابو کول د نړیوالې ټولنې پراخ چمتووالي ته اړتیا لري. په افغانستان کې د سره صلیب نړیوالې ټولنې مسوول په یوه ټوېټ پیغام کې ویلي چې افغانان له سختو اقتصادي ستونزو سره مخ دي او د نړیوالو مرستو ته اړتیا لري. دده په وینا خلک بیګا ته دسترخوان ته د ډوډۍ وړلو په موخه د خپل کور وسایل پلوري او په یوه وخت ډوډۍ پورې حیران دي. د سره صلیب نړیوالې کمېټې مسوولین وایي چې افغانستان کې روان بشري ناورین ورځ تر بلې پراخېږي او ددې احتمال شته چې د ګڼو انسانانو ژوند واخلي. هغه زیاته کړې چې دا ستونزه په لنډ مهاله مرستو او وړو پرېکړو نه حل کېږي بلکې ختمول یې د نړیوالې ټولنې پراخ چمتووالي او سترو مرستو ته اړتیا لري.