تورپوستي لاریونوال:موږ عرب نه یو چې و مو وژنئ او چوپ پاتې شو

په امریکا کې سخت لاریونونه روان دي. تازه د امریکا حکومت پرېکړه کړې چې په ۲۵ لویو ښارونو کې به پر لاریون او ګرځېدو بندیز لګوي. تورپوستي لاریون کوونکي د امریکا حکومت په تبعیضي چلند او تعصب تورنوي. دوی وایي چې امریکايي چارواکي د تورپوستو پر وړاندې له تعصب ډک چلند کوي، بشري حقونه تر پښو لاندې کوي او ان تورپوستي وژني. لاریون کوونکي وايي دوی عربان نه دي چې امریکايي سرتېري او پولیس دې دوی وژني خو چوپ به پاتې کېږي. دغه لاریونونو د نړیوالو رسنیو پام ځان ته اړولی دی او په ډېرو ښارونو کې په تاوتریخوالي اوښتي دي. لسګونه کسان په دې توندو لاریونونو کې د پولیسو له لوري ټپیان شوي دي. امریکايي رسنۍ وايي چې په ځينو برخو کې د لاریونونو کنټرول د پولیسو تر وس پورته خبره ده.