نن د جون ۱۹ مه نېټه او د پلار ورځ ده، موږ تاسو ته د چين د دولت رئيس شي جين پينګ او د ده د پلار شي جونګ شون کيسې کوو.
شي جين پينګ او د ده پلار شي جونګ شون، مېرمن پنګ لي يوان او لور
د شي جين پينګ پر ژوند، کار او صفتونو د ده پلار شي جونګ شون ډېرې ژورې اغېزې لري. د ۲۰۰۱م کال د اکتوبر ۱۵ مه نېټه د شي جونګ شون د زوکړې ۸۸ مه کلیزه وه او په همدې ورځ يې د کورنۍ غړي د ده د زېږېدو کلیزې د نمانځنې لپاره سره راغونډ شول. شي جين پينګ په هغه وخت کې د فو جيان ولایت د والي په توګه دنده ترسره کوله او په هغه ورځ يې د بوختيا له امله د خپل پلار د زوکړې نمانځنې په مراسمو کې ګډون نه درلود، نوموړي په يوه پيغام کې له خپل پلار څخه بښنه غوښتې وه.
نوموړي په خپل پيغام کې ليکلي، چې پلاره، تاسې په لویې مينې سره پر خلکو مثبتې اغېزې کوئ او د چينايانو لپاره په چوپتيا خدمتونه کوئ، زه به ستاسې تر تشویق لاندې د ولس لپاره خدمتونو ته ځان وقف او د هېواد او وطنوالو د احسان پور به ادا کړم.
شي جونګ شون له خلکو سره ډېر نږدې اړيکې لري او هميشه ځان د بزګر زوی او کارګر بولي. کله چې نوموړی په ۱۹۴۳م کال کې د چين په شمال لویديځ کې د شان شي ولایت د سوی ده ولسوالۍ ګونديمنشي په توګه وټاکل شو، په لومړي وخت کې يې د ۵۲۰ زرو ځايي اوسېدونکو لپاره د خدمت وړاندیز وکړ او له ځايي چارواکو څخه يې غوښتنه وکړه، چې باید د دغه وړانديز د عملي کولو په رأس کې قرار ولري او په رښتيا دې خلکو ته کار وکړي او د هغوی د ستونزو د هوارې لپاره دې رښتينې هڅې وکړي.
په ۱۹۴۶م کال کې شي جونګ شون په شان شي ولایت کې
د ۱۹۷۸م کال په اګست کې شي جونګ شون (د کيڼ خوا درېيم کس) د ګوانګ دونګ ولایت له کليو څخه د لېدنې په حال کې دی. شي جين پينګ (د کيڼ خوا لومړی کس) چې د ښوونځي په رخصتۍ کې و، له خپل پلار سره يوځای کليو ته ورغی.
شي جين پينګ د خپل پلار تر اغېزې لاندې د خلکو لپاره خدمتونو ته لومړيتوب ورکوي. کله چې هغه د چين په شمال کې د هه بې ولایت په جنګ دينګ ولسوالۍ کې کار کاوه، هغه د دې ولسوالۍ له ټولو کليو څخه لېدنه وکړه. کله چې هغه د چين په جنوب ختيځ کې د فو جيان ولایت د نينګ ده ښار د چارواکي په توګه دنده پر غاړه اخيستله، هغه په درېيو مياشتو کې له ۹ ولسواليو څخه ليدنه وکړه او وروسته زياترو کليو ته ورغی. کله چې هغه د چين په ختيځ کې د جه جيانګ ولایت د چارواکي په توګه کار پيل وکړ، هغه په يو کال کې د دې ولایت له ټولو ۹۰ ولسواليو او سيمو څخه لېدنه وکړه.
شي جين پينګ په ۱۹۸۳م کال کې د هه بې ولایت د جنګ دينګ ولسوالۍ د ګوندي منشي په توګه دنده درلوده او په دې انځور کې نوموړی په لاره کې له ځايي اوسېدونکو سره د نظريو د تبادلې په حال کې دی.
شي جين پينګ د ۱۹۸۹م کال د ډسمبر په دوهمه نېټه د فو جيان ولایت په نينګ ده ولسوالۍ کې د اوبو لګولو پروژې څخه د لېدنې په حال کې دی
شي جين پينګ له ۲۰۱۲م کال راهيسې د چين د کمونېست ګوند او دولت تر ټولو لوی رهبر په توګه لاهم د خپل پلار هغه خبرې په ښه توګه پر ځای کړې دي، چې که څه هم تاسې څومره لوړه دنده پر غاړه لرئ، هرمرو باید په ټولې هڅې د خلکو لپاره خدمتونه وکړئ، په رښتيا خلکو ته پاملرنه وکړئ، له هغوی سره تماسونه ونيسئ او ورسره دې مهربان واوسئ.
شي جين پينګ د ۲۰۱۲م کال د ډسمبر په ۳۰ مه نېټه د هه بې ولایت د بو پینګ ولسوالۍ په يوه کلي کې له بېوزلو کليوالو څخه د پوښتنې په حال کې دی
په ۱۹۵۸م کال کې شي جونګ شون او خپل دوه زامن شي جين پينګ او شي يوان پينګ
شي جونګ یون او د ده مېرمن چي شين په ۱۹۶۰م کال کې له خپلو ماشومانو او خپلوانو سره له بې های پارک د سېل په حال کې دي
شي جين پينګ د ۲۰۱۵م کال د جولای په ۱۶ مه نېټه د جي لين ولایت په يان بيان سيمه کې د شولو د کښت وضعيت له نږدې وکاته.