امریکا کې د زلینسکي د مېرمن تود هرکلی شوی دی

د امریکا ولسمشر جو بايډن او د هغه مېرمنې جيل بايډن په سپينه ماڼۍ کې د اوکراين د ولسمشر ولاديمير زلينسکي له مېرمنې اولينا زيلينسکا سره کتلي دي. راپورونو کې ويل شوي چې سپينې ماڼۍ مېرمن زيلينسکا ته خورا لوړ پروتوکول ورکړی او هغې ته يې تود هرکلی ويلی دی. ټاکل شوې چې د اوکراين د ولسمشر مېرمن په امريکا کې له مهمو او لوړپوړو چارواکو سره وګوري او د اوکراين له خلکو سره د امريکا د مرستو غوښتنه وکړي. د اوکراين ولسمشر ولاديمير زلينسکي ويلي، هيله لري چې واشنګټن ته يې د مېرمنې سفر د پام وړ لاسته راوړنې ولري. په داسې حال کې چې اوکراين د روسيې له يرغل سره د مقابلې لپاره په ځلونو له نړيوالې ټولنې د پوځي مرستو غوښتنه کړې، خو راپورونو کې ويل شوي چې اولينا زيلينسکا به تر ډېره بريده داسې مرستې وغواړي چې د اوکراين د خلکو د بشري او روغتيايي وضعيت په ښه کېدو کې مرسته وکړي.