م.م: افغانستان روغتیايي برخه کې پراخو مرستو ته اړتیا لري

د روغتیا نړیواله اداره وایي افغانستان د روغتیایي کارکوونکو له کمښت سره مخ دی. د روغتیا نړیوالې ادارې په خپل یوه راپور کې ټینګار کړی چې باید له افغانستان سره په روغتیايي برخه کې مرستې ډېرې شي. دغه اداره وایي چې دمګړی افغانستان د اقتصادي فشارونو، وچکالۍ، کرونا وبا، اقتصادي ستونزو او نړیوالو مرستو د کمښت له امله په روغتیايي برخه کې له سترو ستونزو سره مخ دی او د نړیوالو په مرسته باید دغه ستونزې حل کړل شي. د روغتیا نړیواله اداره وایي چې افغانستان د مسلکي روغتیايي کارکوونکو له کمښت سره مخ دی او تر څنګ یې په روغتیایي مرکزونو کې د تجهیزاتو او درملو کمښت هم هغه ستونزه ده چې افغانان ځوروي. سرچینې له نړیوالو د پراخو مرستو غوښتنه هم کړې ده.