بهرنیو چارو وزارت: م.م دې بندیزونه د فشار د وسیلې په توګه نه کاروي

د افغانستان د بهرنیو چارو وزارت د دې ترڅنګ چې د ملګرو ملتونو پر امنیت شورا غږ کړی چې بندیزونه د فشار د وسیلې په توګه ونه کاروي، وايي چې په سفرونو بندیز که بیا تمدید شي د سیاسي ډیالوګ او تعامل پر ځای به واټن رامنځته کړي. د بهرنیو چارو وزارت ویاند عبدالقهار بلخي ویلي، چې د دوحې تړون کې منل شوې چې د ا.ا له مشرانو به هرډول بندیزونه لرې کېږي هغه تړون باید په بشپړه توګه عملي شي. د بهرنيو چارو وزارت وايي، هغه افغانستان چي امريکا، ناټو او پنځوسو نورو هېوادونو له ټول توان او قوت سره امن او ثبات په کې رامنځ ته نه کړای شو، نننی امنیت او ثبات یی د ټولې نړۍ په ګټه ده. د ملګرو ملتونو د امنیت شورا غړي هېوادونه تر اوسه د ا.ا پر چارواکو د سفري محدودیتونو پر بېرته وضع کولو یا معافیت کومې مشخصې هوکړې ته نه دي رسېدلي.