په ملګرو ملتونو کې د چين د دايمي استازي مرستيال ګنګ شوانګ د سپتمبر په شپږمه نېټه د امنيت شورا د سوله ساتو عملياتو بيا کتنې په عنوان غونډې کې په ټينګار ويلي، چې د ملګرو ملتونو سوله ساتي عمليات بايد په لوړې کچې د پلان جوړونې کارونه پياوړي کړي.
ګنګ شوانګ وويل، چې هېواد يې پر څلورو ټکو ټينګار لري:
۱ـ ملګري ملتونه دې په لوړې کچې د پلان جوړونې کارونه پیاوړي کړي او د سولې او امنیت ساتلو مرکزي دنده دې وساتي.
۲ـ ملګري ملتونه دې د باور کمښت له منځه یوسي او د ټولو هیوادونو تر منځ دې ښې همکاریزې اړیکې بیا ورغوي.
۳ـ ملګري ملتونه دې د ټولو هېوادونو ترمنځ ملګرتیا پیاوړې کړي او د ګټو ټول ښکیل اړخونه دې د سوله ساتو چارې په ګډه پرمخ یوسي.
۴ـ د سوله ساتو ځواکونو خوندیتوب دې ډاډمن او د سوله ساتو عملیاتو کې دې د امنیت او خونديتوب پر وړاندې خطرونه کم شي.
