د روغتیا نړیواله اداره وایي دوی په افغانستان کې د خپلو خدماتو د پراختیا په حال کې دي. د روغتیا نړیوالې ادارې په تازه څرګندونو کې ویلي چې د نوي حکومت په راتګ سره دوی د افغانستان په ټولو سیمو کې زرګونه کسانو ته روغتیايي خدمات وړاندې کړي دي او تر ممکنه حده یې هڅه کړې چې د روغتیایي سیستم د پرځېدو مخه ونیسي. سرچینه وایي چې دوی په افغانستان کې د روغتیايي خدماتو د پراختیا په هڅه کې دي او ستره موخه یې دا ده چې تر اړمنو افغانانو روغتیایي مرستې ورسوي او ساري ناروغۍ کنټرول کړي. د روغتیا نړیواله اداره دغه راز زیاتوي چې په افغانستان کې وروستیو سیلابونو او له دې امله د چاپېریال ککړتیا یې چاره یو څه سخته کړې ده خو دوی خپلو هڅو او خدماتو ته ادامه ورکوي.
