د ا.ا ویاند ذبیح الله مجاهد وايي چې د هېواد په کچه د خوراکي او سون توکو بیې د پام وړ راټيټې شوې دي. د هغه په وينا، د سوداګرۍ او نورو وزارتونو او بنسټونو په هڅو به لا هم د اړینو توکو بیې کنټرول او په بازارونو کې به د سالم رقابت له لارې د هر توکي بیه ټيټه وساتل شي. يو شمير خلکو په دې برخه کې له سیمه ییزو هېوادونو سره د ا.ا تړونونه ستايلي، خو ویلي چې د بې کارۍ او اقتصادي ناورين له امله په ټيټه بيه هم د توکیو پېرلو وس نه لري. اقتصادي شنونکو بيا دا تړونونه سياسي او لنډمهاله ګڼلي او له طالبانو یې غوښتي، چې له مسلکي کادرونو څخه په استفادې او نړيوالو سره د مثبت تعامل په اساس د پراخېدونکي بشري او اقتصادي ناورين د حل لپاره اساسي ګامونه واخلي.
