بهر ته د افغان توکو په صادراتو کې زیاتوالی راغلی دی

د سوداګرۍ او صنایعو وزارت ویلي، چې د څه باندې یو میلیارد ډالرو په ارزښت افغان توکي بهر ته صادر شوي دي. د دغه وزارت د څرګندونو له مخې، له ګاونډیو هېوادونو سره د شویو هوکړو له مخې چین ته د افغانستان صادراتي توکو ٩٨ سلنه او پاکستان ته ١٢ سلنه ګمرکي معافيت ترلاسه کړى دى. د سوداګرۍ او صنایعو وزارت ویلي دغه راز، په بېخبنایي او پراختیایي پروژو کې د پانګونې د جلبولو لپاره کورني ونډوال شرکتونه رامنځته شوي، د صنعتي پارکونو د جوړولو لپاره څه باندې ۱۲۷ میلیون ډالره پانګونه جذب شوې او دغه راز کورنیو او بهرنیو شرکتونو ته څه باندې ۶۳۰۰ د سوداګرۍ او پانګونې جوازونه وېشل شوي دي.