د روغتیا نړیوال سازمان ویلي، چې د کابل د اتاترک ماشومانو روغتون ته یې د خوارځواکو ماشومانو د درملنې درمل برابر کړي دي. یاد سازمان پرون پر خپله ټویټرپاڼه لیکلي چې، دا درمل یې د افغانستان لپاره د بشري حقونو د صندوق پر مټ دغه روغتون ته رسولي دي. تر دې وړاندې د افغانستان د عامې روغتیا وزارت مسوولينو او ملګرو ملتونو ویلي چې، افغانستان کې شاوخوا څلور میلیونه ماشومان له خوارځواکۍ کړیږي. په دوی کې د شاوخوا یو میلیون ماشومانو خوارځواکي جدي بلل شوې ده.
