د سوریې په شمال کې د نښتو له امله ۵۸ تنه وژل شوي دي

د سوريې په شمال کې له تېرې يوې اونۍ راهيسې د دولت د غير مسوولو وسله والو ډلو تر منځ نښتې روانې دي چې د ځينو غير دولتي بنسټونو د معلوماتو له مخې، تر دې مهاله پکې ۵۸ تنو ته مرګ ژوبله اوښتې ده. د سوريې د بشري حقونو يوې څارډلې، چې له بريټانيې فعاليت کوي، پرون د يوه راپور په خپرولو سره ويلي چې د سوريې په شمال کې روانې نښتې په تېرو څلورو کلونو کې بې ساري دي. دې ډلې ويلي چې غير مسوولو وسله والو ډلو په دې خپلمنځي نښتو کې تر دې مهاله ۴۸ وسله وال او لس ملکي وګړي وژل شوي دي. په وژل شويو وسله والو کې هم ۲۸ د حيات تحرير الشام اتحاد غړي دي چې القاعده يې مشري کوي. د سوريې د بشري حقونو څارډلې ويلي چې د غير مسوولو وسله والو نښتې د دې سبب شوې چې القاعده د سوريې په شمال کې پر ځينو سيمو ولکه ټينګه کړي.