د پاکستان دولتي بانک په خپل یوه راپور کې ویلي چې په تېرو لسو میاشتو کې پاکستان افغانستان ته د څه باندې ۸۰۸ میلیونو ډالرو په ارزښت صادرات لرلي چې د تېرو کلونو د همدومره مودې په پرتله ۲۱،۸ سلنه کموالی ښيي. پاکستان وایي چې همدا راز یې له افغانستان هم په لسو میاشتو کې د ۱۱۵ میلیونو ډالرو په ارزښت واردات لرلي دي چې دا هم د تېرو کلونو د ورته مودې په پرتله ۲۲،۴ سلنه کموالی ښيي. د پاکستان دولتي بانک همدا راز ویلي چې له نورو هېوادونو سره یې هم تر یوې کچې سوداګري راټيټه شوې ده خو له حکومت یې غوښتي چې د اصلاحاتو په راوستو د سیمې له هېوادونو سره خپله سوداګري پراخه کړي.
- Trending
- Comments
- ورستی
