د لوړو زده کړو سرپرست وزیر نداء محمد ندیم د مرکزي پوهنتونونو له استادانو سره په لیدنه کې د هغوی ستونزې او وړاندیزونه اورېدلي دي. د لوړو زده کړو سرپرست وزیر ویلي، چې استادان باید محصلین په داسې فکر وروزي چې په خپلواک ډول د هېواد ودانولو لپاره کار وکړي. نوموړي د پوهنتونونو له استادانو سره ژمنه کړې چې د هغوی د امتیازاتو لوړولو، د استادانو د کمبودۍ ستونزې حلول او د هغوی د خدمت په برخه کې به هېڅ ډول هڅې ونه سپموي. د لوړو زده کړو سرپرست وزیر نداء محمد ندیم ویلي بهر پر تللو استادانو غږ کوي، چې بېرته خپل هېواد ته راستانه شي او د خپل دین او کلتور په فضا کې د خپلو بچیانو روزنه وکړي.
