په امریکا کې مېشتو یو شمېر افغانانو په واشنګټن کې د سپینې ماڼۍ مخې ته د افغان نجونو د زده کړو او کار په ملاتړ لاریون وکړ. په دې لاریون کې د امریکا په مریلینډ، ورجنیا او واشنګټن کې مېشتو ګڼ شمېر افغانانو برخه اخیستې وه. د لاریون په ګډونوالو کې ښځې او ماشومان هم شامل وو او د افغان نجونو د زده کړو او د ښځو د کار په ملاتړ یې شعارونه ورکول. د لاریون ګډونوالو له نړیولې ټولنې غوښتنه وکړه چې د افغان مېرمنو تر څنګ ودریږي او د افغانستان د سرپرست حکومت لخوا پر ښځو د لګېدلو محدودیتونو پر ضد د دوی د مبارزې ملاتړ وکړي. دغه راز د سپینې مخې ته راټول شویو لاریونوالو له نړۍوالې ټولې غوښتنه وکړه، څو پورې چې د افغانستان سرپرست حکومت د نجونو پر زده کړو او د ښځو پر کار لګیدلي بندیزونه لرې نه کړي، له هغوی سره دې تعاملات ودروي.
