پاکستاني رسنیو ویلي چې ددغه هېواد حکومت د پاکستان د بشري حقونو د ملي کمېسیون له خوا د پناه غوښتونکو چارو ته د رسېدنې د کړنلارې د برابرولو غوښتنه کړې ده. د پاکستان ډان ورځپاڼې ویلي چې دا کړنلاره به د کډوالو د نه نیولو، جبري ایستلو او په پاکستان کې د مېشتو پناه غوښتونکو د حقونو د تضمین په اړه وي. له بلې خوا، حقوقي سرچینو د پاکستان د بشري حقونو له کمېسیونه غوښتي چې په دې هېواد کې د مېشتو افغان پناه غوښتونکو په تېره بیا د بشري حقونو د دفاع کوونکو لپاره ځانګړي حقونه په پام کې ونیسي. د مالوماتو له مخې، د ملي ادارې له خوا د کډوالو د پېژندپاڼو د ثبتولو بهیر آسانه کول او پناه غوښتونکو د ځورولو مخنیوی نورې مطرح شوې غوښتنې دي. د ویلو ده چې په دې وروستیو کې د نړیوالو سرچینو په تایید سره په پاکستان کې د مېشتو افغانانو د نیولو او ددغه هېواد په زندانونو کې له هغوی سره د ناوړه وضعیت په اړه راپورونه خپاره شوي دي.
